Tveir Íslendingar orðaðir við Rosenborg

Elvar Geir Magnússon sagði frá því í þættinum að Benoný Breki Andrésson, sem leikur með Stockport á Englandi, væri á óskalistanum hjá Íslendingaliðinu mikla.

Þá sagði Baldvin Már Borgarsson að Markús Páll Ellertsson, sóknarmaður ÍA, gæti líka farið til félagsins.

„Ég held þeir taki bara báða,” sagði Baldvin Már.

Freyr Alexandersson er þjálfari Rosenborg og Alfreð Finnbogason er yfirmaður fótboltamála hjá félaginu. Rosenborg hefur verið á miklu skriði eftir að Freyr tók við stjórnartaumunum hjá liðinu.