Maya Yoshida er búinn að skrifa undir samning við Schalke sem er nýkomið aftur upp í efstu deild þýska boltans.
Yoshida, sem verður 34 ára í ágúst, lék með Sampdoria síðustu tvö og hálfa tímabil en þar áður var hann leikmaður Southampton í sjö og hálft ár.
Yoshida skrifaði undir eins árs samning við Schalke með möguleika á eins árs framlengingu.
Yoshida er fyrirliði japanska landsliðsins og á 119 leiki að baki fyrir þjóð sína. Hann vann Asíumótið með Japan 2011 og endaði í öðru sæti 2019 auk þess að enda í öðru sæti í enska deildabikarnum 2017 með Southampton.
Guðlaugur Victor Pálsson á einnig eitt ár eftir af sínum samningi við Schalke.
New adventure, new Challenge! Can’t wait to play in Veltins-Arena. #s04 pic.twitter.com/sQcntQGqeV
— MAYA YOSHIDA (@MayaYoshida3) July 6, 2022
Athugasemdir