Dessers kominn til Rangers (Staðfest)
Mynd: EPA
Mynd: EPA
Rangers er búið að krækja í nígeríska framherjann Cyriel Dessers, sem skoraði 7 mörk í 29 leikjum er Cremonese endaði á botni ítölsku Serie A deildarinnar á síðustu leiktíð.
Dessers var ekki spenntur fyrir að spila í Serie B og samþykkti Cremonese 5 milljón evru tilboð frá Rangers, með 1,5 milljón aukalega í árangurstengdar greiðslur. Þetta er svipað verð og Cremonese borgaði til Genk til að kaupa leikmanninn.
Dessers er 28 ára gamall og á eitt mark í fjórum landsleikjum fyrir Nígeríu. Hann er sjötti leikmaðurinn sem bætist við hópinn hjá Rangers í sumar eftir Abdallah Sima, Sam Lammers, Jack Butland, Dujon Sterling og Kieran Dowell.
Það er gríðarlega mikilvægt sumar framundan hjá félaginu þar sem margir lykilmenn eru á leið burt og hefur félagið áhuga á minnst tveimur leikmönnum til viðbótar í sumar. Annar þeirra er framherjinn Danilo, eða Danielo eins og hann er kallaður, hjá Feyenoord og hinn er miðjumaðurinn Jose Cifuentes hjá Los Angeles FC.
???? A first look at the famous Trophy Room for @CyrielDessers. pic.twitter.com/lRZAzEbB3N
— Rangers Football Club (@RangersFC) July 6, 2023
