Raul Jimenez, framherji Wolves, var ánægður með 1-0 sigur liðins á Olympiakos í kvöld en liðið er komið áfram í 8-liða úrslit.
Jimenez gerði eina mark leiksins úr vítaspyrnu á 8. mínútu leiksins og dugði það til sigurs.
„Eftir fyrsta árið okkar í úrvalsdeildinni þá lærðum við mikið og náðum að tryggja sæti í Evrópudeildina. Núna höfum við náð í fleiri stig í úrvalsdeildinni og erum komnir í 8-liða úrslit. Við viljum halda áfram á sömu braut," sagði Jimenez.
Wolves mætir Sevilla í 8-liða úrslitum en það verður erfið viðureign.
„Við vitum að leikurinn gegn Sevilla verður erfiður. Sevilla er lið sem er eins og fjölskylda, svipað og hjá okkur á þessu tímabili en Sevilla er gott lið og eru með marga góða leikmenn," sagði hann enn fremur.
Athugasemdir