Katla í treyju Fiorentina.
Landsliðskonan Katla Tryggvadóttir hefur samið við ítalska félagið Fiorentina og var kynnt í morgun.
Katla, sem er tiltölulega nýorðin tvítug, hefur spilað frábærlega með Kristianstad í Svíþjóð undanfarin misseri eftir að hafa áður leikið með Þrótti Reykjavík við góðan orðstír.
Fyrr í þessum mánuði spilaði hún á sínu fyrsta stórmóti með íslenska landsliðinu.
Alexandra Jóhannsdóttir, liðsfélagi Kötlu hjá Kristianstad, er fyrrum leikmaður Fiorentina sem endaði í fjórða sæti ítölsku deildarinnar á síðustu leiktíð.
Athugasemdir
