Landslið Wales vann gríðarlega dramatískan sigur í Þjóðadeildinni í dag er liðið spilaði við Búlgaríu á heimavelli í öðrum leik sínum í B-deild.
Það bjuggust flestir við sigri Wales sem vann góðan 1-0 útisigur á Finnum í síðasta leik. Finnar hafa tryggt sér sæti í lokakeppni EM 2020.
Wales var heilt yfir sterkara liðið í viðureign dagsins en það leit lengi út fyrir að markalaust jafntefli yrði niðurstaðan.
Það breyttist hins vegar á 94. mínútu er Neco Williams, ungur leikmaður Liverpool, tryggði Wales sigur með eina marki leiksins. Williams er 19 ára gamall og kom við sögu hjá aðalliðinu á síðustu leiktíð.
Á sama tíma unnu Færeyjar góðan útisigur í Andorra og eru með fullt hús stiga eftir fyrstu tvo leikina.
Færeyjar unnu Möltu 3-2 á heimavelli í síðasta leik þar sem Brandur Olsen, fyrrum leikmaður FH, reyndist hetjan og skoraði sigurmark.
Eitt mark var skorað í Andorra í dag og það gerði Klaemint Olsen fyrir gestina til að tryggja gestunum sanngjarnan 1-0 sigur.
Wales 1 - 0 Búlgaría
1-0 Neco Williams(31')
Andorra 0 - 1 Færeyjar
0-1 Klaemint Olsen(31')
Athugasemdir