Xherdan Shaqiri, leikmaður Liverpool, hefur greinst með kórónuveiruna en svissneska knattspyrnusambandið greindi frá þessu í dag.

Shaqiri verður því ekki með Sviss í komandi landsleikjum gegn Króatíu, Spáni og Þýskalandi.

Shaqiri er þriðji leikmaður Liverpool sem greinist með veiruna á skömmum tíma en áður höfðu Sadio Mane og Thiago Alcantara gert það.

Í gær var möguleiki á að Shaqiri myndi fara frá Liverpool áður en félagaskiptaglugginn lokaði en á endanum náðu félög ekki samkomulagi um kaupverð við ensku meistarana.