Finnur Tómas Pálmason hefur ekki átt gott tímabil og var í útvarpsþætinnum Fótbolti.net valinn mestu vonbrigði tímabilsins til þessa hjá KR.
Bjarni Guðjónsson, fyrrum leikmaður, þjálfari og framkvæmdastjóri KR, var ósáttur með varnarleik KR-inga í seinna marki Aftureldingar og tók Finn Tómas sérstaklega fyrir í Stúkunni á Sýn Sport.
„Hér er Michael Akoto að berjast og reyna að vinna boltann en það sem aðrir leikmenn KR inn í vítateignum gera hér og hafa gert ítrekað í sumar eru vinnubrögð sem eru ekki viðunandi.“
„Akoto er að berjast en Finnur Tómas stendur kyrr. Þarna kemst einn Mosfellingur í boltann, boltinn fer í stöngina, hrekkur aftur út og næsti kemur í boltann. Finnur Tómas hefur ekki ennþá tekið skref í átt að boltanum til að reyna að hreinsa boltann út úr vítateignum.“
„Á hættulegasta staðnum á vellinum, beint fyrir framan markið þitt. Þarna ertu að spila með liði sem er að berjast fyrir lífi sinu og fyrir því að halda sér í deildinni,“ sagði Bjarni.
KR er í botnsæti deildarinnar þremur stigum frá öruggu sæti nú þegar tvær umferðir eru eftir. Liðið mætir ÍBV í næsta leik eftir landsleikjagluggann.
KR hefur aðeins einu sinni fallið úr efstu deild en það var sumarið 1977, liðið hefur verið lengst allra núverandi félaga í efstu deild.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 27 | 17 | 6 | 4 | 58 - 31 | +27 | 57 |
| 2. Valur | 27 | 13 | 6 | 8 | 61 - 46 | +15 | 45 |
| 3. Stjarnan | 27 | 12 | 6 | 9 | 50 - 45 | +5 | 42 |
| 4. Breiðablik | 27 | 11 | 9 | 7 | 46 - 42 | +4 | 42 |
| 5. Fram | 27 | 10 | 6 | 11 | 41 - 40 | +1 | 36 |
| 6. FH | 27 | 8 | 9 | 10 | 49 - 46 | +3 | 33 |
