Ihattaren loksins búinn að finna sér nýtt félag
Mynd: EPA
Mynd: EPA
Mohamed Ihattaren hefur skrifað undir eins árs samning við Slavia Prag og mun ganga formlega til liðs við félagið í janúar. Félagið hefur möguleika á því að framlengja samninginn um þrjú ár til viðbótar.
Þessi 21 árs gamli Hollendingur hefur verið í miklu veseni utan vallar sem hefur haft mikil áhrif á hann innan vallar.
Hann gekk til liðs við Juventus árið 2021 frá PSV en honum tókst ekki að spila neinn leik fyrir ítalska liðið sem rifti samningnum hans í sumar. Hann samdi stuttu síðar við tyrkneska liðið Samsunspor en félagið hætti við á síðustu stundu eftir að leikmaðurinn setti of miklar kröfur.
Á tíma sínum hjá Juventus fór hann á lán til Sampdoria og Ajax og spilaði aðeins einn bikarleik fyrir Ajax.
?????? Mohamed Ihattaren’s contract at Slavia Prague will be valid until 2024 as he signs on free transfer.
— Fabrizio Romano (@FabrizioRomano) December 5, 2023
One year contract plus three year option to sign new deal until 2027. pic.twitter.com/5URYWH8bGm
