Nökkvi vann í gær 2-0 sigur á KA 3 í B-deild Kjarnafæðismótinu. Það var hinn 33 ára Jón Pétur Indriðason sem skoraði fyrra markið og 36 ára Ármann Pétur Ævarsson, sem lagði skóna á hilluna fyrir síðasta tímabil, skoraði seinna markið.

Nökkvi er með þrjú stig eftir tvo leiki en KA 3 endar með núll stig í riðlinum.

Í seinni leik kvöldsins vann Þór 3 lið Samherja með þremur mörkum gegn tveimur. Þór er með sex stig eftir tvo leiki og eru á toppnum eins og Samherjar sem hafa leikið alla þrjá leiki sína.

Nökkvi og Þór 3 leika lokaleik deildarinnar um næstu helgi. Spurning hvort gömlu hundarnir í Nökkva sigri og tryggi sér sigur í B-deildinni eða hvort unglingarnir nái jafntefli eða sigri, jafntefli dugar Þór 3.

Yngstu leikmenn Nökkva eru fæddir árið 1991 en sá elsti sem spilaði var Brynjar Davíðsson, fæddur 1975. Hjá Þór 3 léku leikmenn fæddir á árunum 2002-2006.