Mirwan Suwarso, forseti Como á Ítalíu, segist bíða eftir að spænska félagið Real Madrid taki ákvörðun varðandi framtíð argentínska leikmannsins Nico Paz.
Paz hefur verið aðalmaðurinn í liði Como síðan hann kom til félagsins frá Real Madrid fyrir tveimur árum.
Hann var einn af bestu leikmönnum ítölsku deildarinnar er Como komst í Meistaradeildina í fyrsta sinn í sögu félagsins í síðasta mánuði.
Real Madrid er með níu milljóna evra endurkaupsrétt á Paz, en samkvæmt helstu fjölmiðlum Ítalíu og Spánar, mun félagið nýta sér hann.
Ekki verður greint frá skiptunum fyrr en eftir forsetakosningarnar hjá Real Madrid. Suwarso, forseti Como, heldur í vonina að hann verði áfram, en segir það ekki vera með ákvörðunarvaldið.
„Verður Nico Paz áfram í ár til viðbótar? Það er Real Madrid sem tekur þá ákvörðun. Við erum að bíða, en boltinn er hjá þeim,“ sagði Suwarso.
