Fotbolti.net
07.07.22 - 18:54
Ívan Guðjón Baldursson

Afturelding fær miðjumann úr efstu deild í Belgíu (Staðfest)

Marciano í leik með Maastricht gegn varaliði PSV Eindhoven í B-deild hollenska boltans.

Marciano í leik með Maastricht gegn varaliði PSV Eindhoven í B-deild hollenska boltans.

Canon

Mynd: Getty Images

Lengjudeildin

Belgíska félagið K.A.S. Eupen, sem leikur í efstu deild í Belgíu, er búið að staðfesta lánssamning.

Miðjumaðurinn Marciano Aziz, sem á fjóra leiki að baki fyrir U18 landslið Belgíu, mun spila með Aftureldingu seinni part sumarsins.

Marciano verður 21 árs í næstu viku og byrjar því dvölina á Íslandi á afmælisfögnuði.

Á síðustu leiktíð lék Marciano með MVV Maastricht í hollensku B-deildinni. Hann var þar á lánssamningi og kom við sögu í 19 leikjum.

Það verður áhugavert að sjá hvernig Marciano fótar sig í Lengjudeildinni þar sem hann gengur í raðir Mosfellinga sem eru í neðri hluta deildarinnar með 13 stig eftir 10 umferðir. Ljóst er að gæðin eru til staðar.

Afturelding fær miðjumann úr efstu deild í Belgíu (Staðfest)
Canon

Mynd: Getty Images

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.