"Ég er ánægður með stigið en mér fannst við geta gert betur með í að klára þennan leik og taka þrjú stig, við vorum ekki alveg nógu hungraðir í lokin að bara klára leikinn" Sagði Kolbeinn Þórðarson fyrirliði og markaskorari Íslands í dag eftir 1-1 jafntefli gegn Grikklandi í undankeppni EM U-21 árs.
Lestu um leikinn: Ísland U21 1 - 1 Grikkland U21
Ísland spiluðu í kerfinu 5-3-2, hvernig fannst Kolbeini það virka?
"Mér fannst það virka vel, við lokuðum vel á þá og mér fannst þeir ekki vera komast í gegnum okkur og leikplanið okkar gekk bara frekar vel upp. Þegar við fengum boltann fyrstu 20 þá vorum við kannski pínu stressaðir og vorum ekki að gera þetta eins og við viljum svo eftir markið okkar þá vorum við meira rólegir á boltann og náum að spila boltanum á milli okkar og við náðum þá að sýna við erum með gæði í liðinu"
Kolbeinn skoraði mark Íslands í leiknum eftir hræðileg mistök markmanns Grikkja.
"Nei þetta var kannski ekki flottasta markið á ferlinum en það var gott "front spin" á þessu sem truflaði markmanninn" Sagði Kolbeinn léttur í lund.
1-1 sanngjörn niðurstaða?
"Já kannski var þetta sanngjarnt þegar uppi er staðið, Elli varði frábærlega í fyrri hálfleik tvisvar, þannig já kannski var þetta sangjarnt en auðvitað erum við smá svekktir að vinna ekki en"
Viðtalið má sjá í heild sinni hér fyrir ofan þar sem Kolli talar um Lommel og að vera fyrirliði liðsins.
Athugasemdir