Áslaug Dóra: Það er allt annar bragur á hópnum

„Loksins erum við að klára leikina. Við fáum á okkur mark og skorum frábært mark í lokin þannig að tilfinningin er virkilega góð og bara góðir þrír leikir sem við erum búnar að ná. Hefði viljað halda markinu hreinu í þessum leik en það kom ekki að sök þannig ég er bara mjög sátt,“ hélt hún svo áfram.

Hvernig metur hún frammistöðuna í leiknum í dag?

„Bara eins og í hinum leikjunum. Mjög skipulagðar, agaðar í varnarleiknum. Mér fannst aldrei vera einhver hætta, þær komust svona stundum í gegn en einhvernveginn vorum við bara með þetta.“

Telma Ívarsdóttir hefur komið feykilega vel inn í lið Víkinga og aðspurð hvað hún gefur þeim segir Áslaug:

„Ótrúlega mikið. Það gefur okkur varnarlínunni mikið öryggi, hún er mikill leiðtogi og hæðin í henni, hún er að taka þessa bolta ef að við erum ekki að ná þeim, þá getum við treyst á að hana.“

Sumarið hefur verið ansi þungt hjá Víkingsliðinu sem endar mótið fyrir skiptinguna í fallsæti. Þær hafa sótt þrjá sigra í röð núna, það hlýtur að vera aðeins léttara yfir hópnum en hefur verið:

„Já klárlega, það er, verð ég að segja, allt annar bragur á hópnum en við höldum áfram að vera jákvæðar og byggja ofan á það sem við erum að gera og þá erum við að fara að halda okkur uppi, hundrað prósent.“