„Eins og að horfa á æfingaleik í gegnum Spiideo myndavél“

Frá Miðgarði í Garðabænum.

Mynd: Fótbolti.net - Hafliði Breiðfjörð

Frá útsendingunni úr leik Stjörnunnar og ÍBV.

Mynd: Skjáskot

Frá Miðgarði í Garðabænum.

Mynd: Fótbolti.net - Hafliði Breiðfjörð

Stjarnan hefur spilað síðustu tvo heimaleiki sína í Bestu deildinni í íþróttahúsinu Miðgarði. Framkvæmdir við Samsung-völlinn, þar sem verið er að leggja nýtt gervigras, hafa dregist eitthvað á langinn.

Miðgarður uppfyllir ekki kröfur en KSÍ hefur gefið Stjörnunni undanþágu til að spila í íþróttahúsinu í Garðabæ á meðan verið er að leggja gervigrasið.

Í gær gerði Stjarnan 2-2 jafntefli gegn ÍBV í húsinu og fer Garðabæjarliðið því í neðri hlutann nú þegar deildin skiptist upp.

Lestu um leikinn: Stjarnan 0 - 0 Víkingur R.

„Vonandi var þetta síðasti leikurinn í Bestu deildinni sem verður spilaður í Miðgarði. Þetta er ekki eðlilega þreytt. Sjónarhornið í sjónvarpsútsendingunni er eins og að horfa á æfingaleik í gegnum Spiideo myndavél. Myndavélin er neðarlega og þetta er sjoppulegt fyrir vörumerkið Besta deildin, það er vel pirrandi að það sé verið að spila þarna," segir Elvar Geir í Innkastinu.

„Gjörsamlega fáránlegt. Ég skil ekki af hverju þetta er ekki bara spilað á Þróttarvelli eða Fylkisvelli, það er fullt af flottum völlum sem er hægt að nota. Það er ekki eins og það sé verið að fjölmenna þarna af Stjörnufólki," segir Valur Gunnarsson í þættinum.

Frá útsendingunni úr leik Stjörnunnar og ÍBV.

Mynd: Skjáskot

Innkastið - KR hatar gras og Blikar bulla

Stöðutafla

#	Lið	L	mun	Stig
1	Víkingur R.	22	+46	53
2	Fram	22	+14	45
3	KR	22	+25	44
4	Breiðablik	22	+2	30
5	ÍA	22	-2	30
6	Keflavík	22	-5	28
7	Stjarnan	22	-8	28
8	Valur	22	-6	27
9	FH	22	-12	21
10	Þór	22	-28	21
11	KA	22	-13	20
12	ÍBV	22	-13	18