Lyon reyndi að krækja í Benzema

Benzema er án félags eftir að hafa leikið fyrir Al-Ittihad og Al-Hilal í efstu deild í Sádi-Arabíu síðustu þrjú ár, en hann má ekki skipta til annars félags utan Arabíu.

Frakkinn goðsagnakenndi er nefnilega samningsbundinn sádi-arabísku deildinni til 2030. Hann er sendiherra fyrir deildina og má ekki skrifa undir hjá félagsliði utan Sádi-Arabíu án þess að segja upp sendiherrasamningnum.

Benzema skoraði 25 mörk og gaf 5 stoðsendingar í 34 leikjum á síðustu leiktíð. Hann hefur verið meðal bestu leikmanna sádi-arabísku deildarinnar undanfarin ár og mun líklega halda áfram að spila í deildinni.