Sigurður Hjörtur dæmdi vítið sem Hinrik skoraði úr í Noregi

Hinrik Harðarson var á skotskónum annan leikinn í röð er hann gerði eina mark Egersund í 1-1 jafntefli gegn Lyn í norsku B-deildinni gær.

Framherjinn gekk til liðs við Egersund frá Odd í sumar og hefur farið frábærlega af stað. Hann skoraði úr vítaspyrnu í gær og er kominn með tvö deildarmörk fyrir Egersund.

Bestu-deildardómarinn Sigurður Hjörtur Þrastarson dæmdi leikinn og annar af aðstoðardómurunum var Patrik Freyr Guðmundsson.

Á hverju ári fara íslenskir dómarar út og dæma leiki í erlendum deildum í gegnum norrænt skiptidómaraverkefni.