Hasenhuttl rekinn frá Southampton (Staðfest)

Hasenhuttl var ráðinn stjóri Southampton í desember 2018 og segir í yfirlýsingu félagsins að nú væri kominn tími á breytingu.

Félagið þakkar Hasenhuttl fyrir hans störf og er sagt frá því að Rúen Sellés, einn í þjálfarateymi aðalliðsins, muni stýra liðinu gegn Sheffield Wednesday í deildabikarnum á miðvikudag. Í kjölfarið á liðið svo leik gegn Liverpool um næstu helgi. Eftir leikinn gegn Liverpool er eins og hálfs mánaðar hlé á úrvalsdeildinni vegna HM.

Southampton ætlar að tilkynna nýjan stjóra á næstunni. Southampton er í fallsæti eftir fjórtán umferðir og hefur einungis unnið einn af síðustu níu leikjum sínum.