Guðlaugur Victor einn besti miðjumaðurinn í þýsku B-deildinni

Guðlaugur Victor Pálsson er einn besti varnarsinnaði miðjumaðurinn í þýsku B-deildinni á þessu tímabili að mati Kicker.

Guðlaugur Victor leikur með Darmstadt sem er í 12. sæti deildarinnar.

Vetrarfrí er í deildinni í augnablikinu en boltinn byrjar aftur að rúlla þar í lok mánaðarins.

Á síðasta ári vann Guðlaugur Victor sér sæti í byrjunarliði íslenska landsliðsins en þar spilar hann sem hægri bakvörður.