Árni Marinó Einarsson markvörður ÍA varði mark liðsins í 13 leikjum í deildinni síðasta sumar eftir að Árni Snær Ólafsson meiddist. Árni Marinó er tvítugur en hann vakti athygli fyrir góða frammistöðu.
Lestu um leikinn: ÍA 1 - 5 Breiðablik
Jón Þór Hauksson þjálfari ÍA ákvað að velja Árna Snæ í markið aftur í upphafi tímabilsins. Hann var spurður út í þá ákvörðun eftir leik liðsins gegn Breiðabliki í gær.
„Við eigum tvo frábæra markmenn og það er eins og með fleiri ákvarðanir að velja þetta lið, það er samkeppni um stöður í liðinu og það er alltaf erfitt,"
Árni Marinó gerði tilkall í u21 árs landsliðið en hann var í æfingahóp liðsins fyrir áramót.
„Eins og ég segi, þar ertu með tvo góða markmenn sem bítast um stöðu, það er samkeppni í liðinu og það er erfitt að velja á milli manna í þessu liði," sagði Jón Þór að lokum.
