Dusan við hlið Zinedine Zidane árið 2015.
„Það var erfitt að finna mitt besta liðið. Ég hef stýrt liðinu í fimm daga á æfingum en úrslitin í þessum leik skipta engu máli, við vildum sýna hvað við getum gert, hvaða leikkerfi spila og svo prófað einhverja leikmenn," sagði Dusan Ivkovic, þjálfari Fjölnis, eftir 0-5 tap gegn Augnabliki í Mjólkurbikarnum í kvöld.
Lestu um leikinn: Fjölnir 0 - 5 Augnablik
Dusan tók við Fjölnisliðinu á dögunum í kjölfarið á því að Helena Ólafsdóttir hætti óvænt með liðið. Hvernig var að taka við hópnum á þessum tímapunkti, rétt fyrir mót?
„Þjálfaraskiptin höfðu ekki áhrif á móralinn í liðinu. Ég er rosalega ánægður með stelpurnar hvernig þær tóku á móti mér. Það tekur smá tíma að rífa hópinn upp en það gengur allt vel hvað æfingar varðar og slíkt."
Er Dusan með eitthvað markmið í huga fyrir Fjölnisliðið í sumar?
„Það er erfitt að setja markmið fyrir sumarið. Ég horfi í þetta leik fyrir leik. Við höfum stuttan tíma til að lyfta forminu aðeins upp og stilla línurnar," sagði Dusan.
Athugasemdir
