Njarðvík og Grindavík í sérstökum Ingvars-treyjum í kvöld

Njarðvík fær granna sína í Grindavík í heimsókn í kvöld í Lengjudeildinni. Leikurinn verður styrktarleikur fyrir Ingvar Jónsson sem berst við krabbamein.

Bæði lið munu leika í sérstökum treyjum Ingvars til heiðurs. Á treyjunum má finna m.a. ártöl yfir hvenær Ingvar hefur orðið Íslands- og bikarmeistari.

Treyjur beggja liða munu fara á uppboð sem fer fram í einkaskilaboðum til Knattspyrnudeildar Njarðvíkur á Facebook þar sem allur ágóðinn rennur til styrktar Ingvari Jónssyni og fjölskyldu.

Uppboðið er hafið og lýkur á miðnætti á sunnudag.