Spænski miðjumaðurinn Thiago Alcantara verður frá næstu sex vikurnar vegna meiðsla aftan í læri. James Pearce hjá Athletic segir frá þessu í kvöld.
Thiago meiddist í opnunarleik Liverpool í ensku úrvalsdeildinni um helgina í 2-2 jafnteflinu gegn Fulham.
Hann fór af velli á 51. mínútu og kom Harvey Elliott inn í hans stað.
Spánverjinn á sér langa meiðslasögu en það er nú útlit fyrir að hann missti af næstu sex vikum vegna meiðsla aftan í læri.
Þetta er mikil blóðtaka fyrir Liverpool sem hefur nú þegar verið í leit að því að styrkja miðjuna.
Plan Liverpool er að kaupa miðjumann á næsta ári en það er spurning hvort það verði ráðist í einhverjar aðgerðir fyrir gluggalok.
Athugasemdir
