Aldrei fleiri sjónvarpsmyndavélar á viðburði á Íslandi

Á landsleik Íslands og Þýskalands í kvöld verða 42 sjónvarpsmyndavélar en leikurinn verður sérstaklega framleiddur fyrir þýska sjónvarpið auk hinnar hefðbundnu útsendingar.

Vilhjálmur Siggeirsson sem starfar fyrir RÚV á leiknum telur að enginn viðburður í beinni á Íslandi hafi verið myndaður með jafn mörgum vélum.

Á leiknum verða í heild 45 starfsmenn frá RÚV og 80 frá Þýskalandi. Þýsku sjónvarpsmennirnir hafa notið veitinga frá Múlakaffi í félagsheimili Þróttar. Leikurinn verður aðgengilegur í beinni sjónvarpsútsendingu í tæplega 160 löndum víðs vegar um heiminn.

Leikur Íslands og Þýskalands hefst 18:45 og verður í beinni textalýsingu hér á Fótbolta.net.