Gæti fengið sparkið á næstunni

Demichelis tók við Leipzig í sumar eftir ágætan árangur með Mallorca á Spáni, en þessi fyrrverandi varnarmaður hefur átt erfiða byrjun í Þýskalandi.

Leipzig hefur unnið tvo leiki og tapað tveimur í deildinni auk þess að steinliggja fyrir Como, 4-1, í Meistaradeildinni.

Samkvæmt Sky hefur Demichelis lítinn tíma til að snúa genginu við. Samband hans við leikmannahópinn er stirt, frammistaðan slök og honum hefur enn ekki tekist að finna leikkerfi sem hentar liðinu.

Hann gæti því verið látinn fara fljótlega og Julian Nagelsmann er þegar orðaður við endurkomu til félagsins.

Nagelsmann hætti með þýska landsliðið í sumar eftir slakan árangur á HM og er sagður opinn fyrir því að taka aftur við Leipzig.