Haaland tjáir sig: Brosum, verum jákvæð og stöndum saman

Erling Haaland hefur tjáð sig við samfélagsmiðla Manchester City. Hann hvetur stuðningsmenn City að halda áfram að brosa og „njóta ferðarinnar“.

Manchester City er að búa sig undir heimsókn til Liverpool á sunnudag en hópurinn kom í fyrsta sinn saman í morgun eftir að City var dæmt sekt um umfangsmikil fjárhagsbrot.

Það má búast við rafmögnuðu andrúmslofti kringum leikinn á Anfield á sunnudaginn og breskir fjölmiðlar segja að lögreglan verði með sérstakan viðbúnað.