England: Arsenal missteig sig í toppbaráttunni - Endurkomur hjá Leicester og Bournemouth

Arsenal var heilt yfir með góð völd á leiknum en Fulham nýtti eina færið sitt í fyrri hálfleik þegar Raul Jimenez skoraði framhjá David Raya.

Arsenal liðið hefur verið ótrúlega sterkt í föstum leikatriðum og það skilaði sér í dag þar sem William Saliba kom boltanum í netið snemma í seinni hálfleik.

Gestirnir voru áfram líklegri að komast yfir frekar en Fulham. Bukayo Saka skallaði boltann í netið þegar skammt var til loka leiksins eftir fyrirgjöf frá Gabriel Martinelli en sá síðarnefndi var dæmdur rangstæður og markið ógilt.

Bournemouth lenti undir gegn Ipswich en Dango Ouattara skoraði dramatískt sigurmark í uppbótatíma. Brighton missti niður tveggja marka forystu gegn Leicester en Jamie Vardy og Bobby decordova Reid skoruðu með fimm mínútna millibili undir lok leiksins til að jafna metin.

Fulham 1 - 1 Arsenal
1-0 Raul Jimenez ('11 )
1-1 William Saliba ('52 )

Ipswich Town 1 - 2 Bournemouth
1-0 Conor Chaplin ('21 )
1-1 Enes Unal ('87 )
1-2 Dango Ouattara ('90 )

Leicester City 2 - 2 Brighton
0-1 Tariq Lamptey ('37 )
0-2 Yankuba Minteh ('79 )
1-2 Jamie Vardy ('86 )
2-2 Bobby De Cordova-Reid ('90 )