Topp fimm - Bestu HM boltarnir

5. sæti - Teamgeist: Þýskaland, 2006 - Adidas fór í óvænta átt fyrir mótið 2006 þegar það kynnti hina vinsælu Teamgeist línu til leiks. Spilað var með boltann á myndinni í úrslitaleiknum fræga þar sem hausar fengu að fljúga og Fabio Grosso tryggði Ítölum sinn fjórða Heimsmeistaratitil.

4. sæti - Tango Espana: Spánn, 1982 - Fulltrúi Tango línunnar á listanum. Notast var við álíka mynstur á boltum á fimm mismunandi mótum, frá 1978-1998. Tímalaus snilld.

3. sæti - Brazuca: Brasilía, 2014 - Bolti sem fangar brasilískan andann fullkomlega. Litríkur, fallegur og eftirminnilegur, erfitt að biða um meira. Trionda boltinn sem leikið verður með í ár svipar til Brazuca.

2. sæti - Fevernova: Suður-Kórea og Japan, 2002 - Adidas hristu vel upp í boltaleiknum þegar þeir kynntu Fevernova til leiks. Tango mynstrið, sem mátti sjá áðan, hafði verið á boltum heimsmeistaramótsins í 20 ár áður en þessi var kynntur til leiks. Byltingarkenndur bolti með dass af stælum.

1. sæti - Jabulani: Suður-Afríka, 2010 - Kæmist ekki nálægt toppsætinu á listum hjá markvörðum mótsins enda illviðráðanlegt flug á honum. Við gerð boltans höfðu hönnuðir Adidas það að markmiði að gera eins kringlóttan bolta og hægt var. Úr varð að boltinn flökti óeðlilega mikið. Maður sem nýtti sér það til góðs var Diego Forlán sem hafði byrjað að æfa skotin með Jabulani boltanum löngu fyrir mót og endaði hann með að vinna gullskóinn.