Cardiff var að staðfesta lánssamning við miðjumanninn Harry Arter frá Bournemouth.
Þetta þýðir meiri samkeppni fyrir landsliðsfyrirliðann Aron Einar Gunnarsson, en er á mála hjá Cardiff og hefur verið lykilmaður í liðinu síðustu ár. Fyrr í dag fékk Cardiff spænska miðjumanninn Vitor Camarasa frá Real Betis.
Arter kemur frá Bournemouth en hann hefur verið þar frá 2010 og gengið í gegnum súrt og sætt með félaginu. Arter lék þar áður með Woking í utandeildinni.
Arter, sem er 28 ára, lék á síðasta tímabili 13 leiki í ensku úrvalsdeildinni.
Cardiff heimsækir einmitt Bournemouth á laugardaginn í fyrstu umferð ensku úrvalsdeildarinnar.
Smelltu hér til að sjá öll helstu tíðindin á gluggadeginum
Taktu þátt í umræðunni á Twitter með því að nota #fotboltinet
Athugasemdir