Lengjudeild kvenna: Tindastóll upp í Bestu deildina (Staðfest)

Augnablik og Tindastóll mættust í Lengjudeild kvenna í kvöld. Tindastóll tryggði sér sæti í Bestu deildinni að ári.

Staðan var 4-0 í hálfleik Melissa Garcia skoraði tvö, Hannah Cade og Murielle Tiernan með sitt markið hvor.

Tiernan bætti einu marki við í síðari hálfleik og lokatölur 5-0. 

Eftir að FH missteig sig í kvöld munar aðeins einu stigi á FH og Tindastóli en liðin mætast í lokaumferðinni eftir slétta viku og þá kemur í ljós hvort liðið hampar titlinum.