Sjáðu atvikið: Stór mistök dómarans í Njarðvík

Strax á 3. minúutu í leik Njarðvíkur og Þróttar í Lengjudeildarumspilinu kom upp stórt atvik þegar Þórhallur Ísak Guðmundsson, markvörður Þróttar, gerðist brotlegur gegn Oumar Diouck sem var að sleppa í gegn.

Gunnar Freyr Róbertsson, dómari leiksins, dæmdi ekkert. Þórhallur stálheppinn að sleppa þegar hann braut á sóknarmanni Njarðvíkur. „Þetta var bara aukaspyrna og rautt spjald," sagði Jón Þór Hauksson sem lýsti leiknum á Livey ásamt Hirti Hjartarsyni.

„Ég meina þetta er annaðhvort getuleysi eða hugleysi. Ég held að það sé ekkert þar á milli. Það verða einhverjir aðrir að dæma um það en auðvitað sérstakt að á miðvikudegi þegar allir dómarar landsins eru nánast lausir að ég held að svona stór leikur sé settur upp í hendurnar á gríðarlega efnilegum dómara en að einhverju leyti óreyndum dómara," sagði Davíð Smári Lamude, þjálfari Njarðvíkur, við Fótbolta.net eftir leikinn. Viðtalið má nálgast í spilaranum neðst.