Aston Villa hefur hafnað tilboði frá Arsenal í kólumbíska framherjann Jhon Duran. Sky Sports hefur þetta eftir kólumbísku útvarpsstöðinni Antena 2.
Talið er að tilboðið hafi verið um 45 milljónir punda en Aston Villa vill fá í kringum 70 milljónir punda en félagið hefur verið í samninga viðræðum við framherjann.
Duran hefur verið frábær á þessu tímabili en hann hefur skorað átta mörk í öllum keppnum þrátt fyrir að hafa verið aðeins þrisvar í byrjunarliðinu.
Aston Villa mætir Liverpool á Anfield klukkan 20 í kvöld.
Athugasemdir
