þri 10. janúar 2023 19:12
Brynjar Ingi Erluson
ÍBV í viðræðum við Val um Guy Smit
Guy Smit
Guy Smit
Mynd: Fótbolti.net - Hafliði Breiðfjörð
ÍBV er í viðræðum við Val um að fá hollenska markvörðinn Guy Smit á láni út tímabilið, en þetta herma heimildir Fótbolta.net.

Smit er á sölulista hjá Val eftir að hafa misst sæti sitt til Frederik Schram á nýliðinni leiktíð.

Dr. Football greindi frá því í nóvember að Valur hefði boðið ÍBV að fá Smit í skiptum fyrir Eið Aron Sigurbjörnsson eftir tímabilið en Eyjamenn höfnuðu því tilboði.

ÍBV hefur þó enn mikinn áhuga á að fá Smit til félagsins og samkvæmt heimildum Fótbolta.net er félagið í viðræðum við Val um að fá Smit á láni út tímabilið.

Guðjón Orri Sigurjónsson spilaði átján leiki í rammanum hjá ÍBV á síðasta tímabili en þeir Halldór Páll Geirsson og Jón Kristinn Elíasson vörðu einnig mark liðsins.

Þetta yrði þriðja félagið sem Smit spilar fyrir á Íslandi á eftir Val og Leikni.
Athugasemdir
banner
banner
banner
banner