Hvað ef Fjölnir hefði haldið öllum sínum leikmönnum?

Karlalið Fjölnis átti martraðarsumar þar sem liðið endaði um miðja 2. deild. Fjölnir var í raun aldrei í neinni baráttu um að komast upp úr deildinni eftir að hafa fallið úr Lengjudeildinni í fyrra.

Þrátt fyrir að vera með eitt stærsta hverfi Reykjavíkur á bak við sig er Fjölnir ekki í góðum málum þessa stundina. En hvað ef félagið hefði haldið þeim leikmönnum sem hafa komið upp í gegnum yngri flokka félagsins? Hvernig gæti Fjölnir litið út í dag ef þeir sem fóru á önnur mið hefðu allir orðið um kyrrt?