Nótt kemur frá Stjörnunni en hún hefur verið samningsbundin Garðarbæjarliðinu síðustu tvö ár. Síðasta sumar var hún þó á láni hjá ÍR og spilaði alls átta leiki fyrir liðið.

Leikmaðurinn á að baki 36 meistaraflokksleiki en hún hefur í þeim skorað fjögur mörk.

„Það er okkur FH-ingum ánægjuefni að Nótt hafi ákveðið að koma aftur til FH til þess að spila með liðinu í Inkasso deildinni næsta sumar. Það mun án efa hjálpa okkur við að ná markmiði okkar um að vinna aftur sæti í úrvalsdeildinni næsta sumar. Velkomin heim Nótt," segir á Facebook-síðu FH-inga.