Níunda umferð Pepsi Max-deildar kvenna klárast á morgun þegar botnlið HK/Víkings heimsækir Þór/KA á Þórsvöll. Þór/KA er taplaust í síðustu fjórum leikjum og situr í þriðja sæti deildarinnar, ellefu stigum á eftir toppliðunum tveimur, Breiðablik og Val.

HK/Víkingur er með jafn mörg stig og Keflavík og á leik til góða í botnsæti deildarinnar.

Í 3. deild hefst 11. umferð deildarinnar. Í Vesturbænum fer fram toppslagur þar sem KV og Kórdrengir mætast. Leikmenn og starfsmenn beggja liða ætla að borga sig inn á leikinn.

Sjá einnig: KV og Kórdrengir styrkja góð málefni - Leikmenn borga sig inn

Á Ólafsfirði koma Vopnfirðingar í heimsókn og Vængir Júpíters heimsækja Sindramenn á Höfn.

Í Inkasso-kvenna tekur Augnablik á móti FH í Fífunni og þá er leikið í 4. deild karla (A-B-D riðli).