lau 10. september 2022 18:09
Brynjar Ingi Erluson
2. deild: Víkingur Ó. sótti sigur á Reyðarfjörð
Víkingur Ó vann KFA
Víkingur Ó vann KFA
Mynd: Fótbolti.net - Sævar Geir Sigurjónsson
KFA 0 - 2 Víkingur Ó.
0-1 Bjartur Bjarmi Barkarson ('2 , Mark úr víti)
0-2 Björn Axel Guðjónsson ('43 )

Víkingur Ólafsvík vann annan leik sinn í röð í 2. deild karla er liðið lagði KFA, 2-0, í Fjarðabyggðarhöllinni í dag.

Bjartur Bjarmi Barkarson kom Ólafsvíkingum á bragðið strax á 2. mínútu með marki úr vítaspyrnu.

Björn Axel Guðjónsson, sem spilaði með KV fyrri hluta tímabils, gerði annað mark Víkinga undir lok fyrri hálfleiksins og þar við sat.

Víkingur vinnur annan leik sinn í röð og er nú í 8. sæti með 25 stig fyrir lokaumferðina. KFA er í 10. sæti með 19 stig.
Athugasemdir
banner
banner
banner
banner