Þungu fargi létt af Musiala - „Hann getur verið stoltur af sjálfum sér“

Musiala hneig niður í tveimur leikjum í röð og greindi eftir þann síðari frá því að hann væri með taugasjúkdóm sem ylli flogaköstum.

Hann hefur verið að komast hægt og bítandi af stað aftur og það var því sérstök gleðistund fyrir hann og liðsfélagana þegar hann skoraði í 5-0 stórsigrinum á Bodö/Glimt í kvöld.

„Ég er ánægður með að hafa skorað og vera kominn aftur í byrjunarliðið í Meistaradeildinni.“

„Ég er að finna taktinn á ný og hef fengið mikinn stuðning frá bæði þjálfurunum og liðsfélögunum, sem hafa hjálpað mér mikið.“

„Ég vil standa mig og smám saman finna gleðina aftur og verða ég sjálfur á ný,“ sagði Musiala.

Fær stórt hrós frá Kane

Liðsfélagarnir hafa fundið fyrir því hversu erfitt þetta hefur verið hjá Musiala og Harry Kane gladdist sérstaklega yfir því að sjá hann skora.

„Ég er ótrúlega ánægður fyrir hans hönd. Hann gekk í gegnum erfiða tíma í byrjun tímabilsins og því er gott að sjá hann brosa og finna að þessu þunga fargi sé af honum létt.“

„Það sést hvað hann er hungraður, hann hefur verið mjög öflugur á æfingum og tók það með sér inn í leikinn. Hann getur verið stoltur af sjálfum sér,“ sagði Kane.