Levante er í fínum málum í spænska Konungsbikarnum eftir fyrri leikinn við Athletic Bilbao í kvöld. Leikið var í undanúrslitum.

Leikið var á heimavelli Bilbao í kvöld og má alveg segja að heimaliðið hafi átt sigurinn skilið.

Levante átti eitt skot á mark Bilbao í öllum leiknum en tókst að skora í fyrri hálfleik og það gerði Gonzalo Melero.

Mark Melero dugði þó ekki til sigurs en Bilbao jafnaði metin á 58. mínútu með marki Inigo Martinez.

Það er því allt undir fyrir seinni leik liðanna sem fer fram á heimavelli Levante.