Halldór Orri: Skora ekki oft með skalla

„Þetta var örugglega skemmtilegur leikur á að horfa, það var mikið af færum og bæði lið gáfu færi á sér, fóru hátt upp og þá skapast pláss fyrir hitt liðið til þess að beita skyndisóknum. Þetta var mikið af hlaupum og bara hörkuleikur.\"

Halldór var síðan spurður út í mörkin sem voru gríðarlega fagmannlega unnin ef svo má að orði komast.

„Fyrra markið var einfaldara fannst mér og í seinna markinu náði ég að tímasetja hlaupið mjög vel og náði að hanga einhvern veginn. Það er ekki oft sem ég skora með skalla þannig að það var virkilega ánægjulegt að sjá hann inni.\"

Nú er bara litið upp á við að sögn Halldórs.

„Við gáfum það út fyrir mót að við ætluðum að vera að berjast um þennan titil þannig að við erum ekki búnir að vera sáttir með okkur. Við horfum bara upp á við núna og það er virkilega erfiður leikur á móti (Víkingi) Ólafsvík í næstu umferð.\"

Viðtalið má sjá í heild sinni hér að ofan.