Anthony Knockaert, leikmaður Fulham á Englandi, mun spila með gríska úrvalsdeildarfélaginu Volos á láni út þessa leiktíð, en þetta var staðfest í dag.
Knockaert, sem er 30 ára gamall, hefur verið samningsbundinn Fulham síðustu tvö ár.
Hann spilaði lítið með liðinu á síðustu leiktíð er liðið tryggði sér sæti í ensku úrvalsdeildinni en hann missti af 43 leikjum vegna meiðsla.
Frakkinn fær nú tækifæri til að koma sér aftur á skrið. Hann mun spila fyrir gríska úrvalsdeildarfélagið Volos á láni frá Fulham út þessa leiktíð.
Knockaert hefur áður spilað fyrir Nottingham Forest, Brighton, Leicester, Standard Liege og Guingamp.
Athugasemdir