Vuk Oskar Dimitrijevic.
Vuk Oskar Dimitrijevic átti þrusugóðan leik þegar FH vann 6-1 sigur gegn ÍA í Bestu deildinni í dag.
Hann skoraði tvennu og var óheppinn að gera ekki þrennu í leiknum.
Hann skoraði tvennu og var óheppinn að gera ekki þrennu í leiknum.
Lestu um leikinn: FH 6 - 1 ÍA
„Mér líður mjög vel. Mér fannst við spila mjög vel á köflum, við skoruðum fullt af mörkum og við áttum þetta skilið," sagði Vuk eftir leikinn.
„Við pressuðum þá hátt og komum með alvöru tempó inn í leikinn. Við skoruðum snemma og það hjálpaði mjög mikið. Það var flott."
Vuk var sáttur með frammistöðu sína í leiknum. „Ég er mjög sáttur. Ég gat reyndar skorað þriðja en það er fínt að skora tvö mörk."
Eiður Smári Guðjohnsen, ein helsta goðsögnin í íslenskri fótboltasögu, er að þjálfa FH. Hvernig er það fyrir ungan leikmann eins og Vuk að vinna með honum?
„Ég fíla Eið Smára og Venna (Sigurvin Ólafsson, aðstoðarþjálfara) mjög mikið. Þeir skilja okkur leikmennina mjög vel. Eiður hefur kennt mér mikið og Venni líka."
Allt viðtalið er í spilaranum hér að ofan.
