Sigurpáll Melberg: Erum komnir til að taka yfir

„Stemning er bara gríðarleg, ég held að hálfur Mosfellsbærinn sé mættur hér í Minigarðinn, þetta getur ekki endað annað en vel," sagði Sigurpáll.

Afturelding hefur selt fleiri miða á Laugardalsvöllinn en Breiðablik og því ætti að heyrast vel í Mosfellingum í stúkunni.

„Mér finnst það ekkert skrítið, það er búið að vera djöfulsins stemning í öllum Mosfellsbænum. Við erum búnir að tryggja okkur upp í túninu heima, við erum bara komnir til að taka yfir," sagði Sigurpáll.

Sigurpáll þekkir vel til hvernig menn eru stemndir innan hópsins og getur því sagt vel frá því.

„Ég held að menn séu bara vel stilltir, klárir í leikinn. Ég held þeir séu bara að fara inn á völlinn, njóta leiksins, hafa gaman, og eins og þeir hafa verið í allt sumar, spila frábæran bolta," sagði Sigurpáll.

Viðtalið má sjá í heild sinni í spilaranum hér fyrir ofan.