11.10.21 - 19:04
Guðmundur Aðalsteinn Ásgeirsson
Vanda færði goðsögnum blómvönd fyrir leik
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Núna er í gangi leikur Íslands og Liechtenstein í undankeppni HM á Laugardalsvelli.
Lestu um leikinn: Ísland 4 - 0 Liechtenstein
Fyrir leik voru tvær goðsagnir í íslenskum fótbolta heiðraðar. Vanda Sigurgeirsdóttir færði þeim Hannesi Þór Halldórssyni og Kára Árnasyni blómvendi.
Markvörðurinn Hannes Þór Halldórsson er fæddur árið 1984 og er því 37 ára á þessu ári. Hans fyrsti A-landsleikur var leikur gegn Kýpur árið 2011 í undankeppni EM 2012. Hannes Þór lék á ferli sínum 77 A landsleiki og var aðalmarkvörður liðsins bæði á EM 2016 og HM 2018.
Miðvörðurinn Kári Árnason lék sinn fyrsta A landsleik árið 2005, þá 23 ára gamall, þegar Ísland mætti Ítalíu í vináttuleik ytra. Kári, sem er fæddur 1982, lék á ferli sínum með A karla 90 leiki og skoraði í þeim 6 mörk, en hann var máttarstólpi í vörn Íslands á bæði EM 2016 og HM 2018.
Tveir leikmenn sem voru ótrúlega mikilvægir í mögnuðum árangri Íslands frá 2011 til 2019 og hafa núna spilað sinn síðasta landsleik.
Hér að neðan má sjá myndband frá RÚV.
Markvörðurinn Hannes Þór Halldórsson er fæddur árið 1984 og er því 37 ára á þessu ári. Hans fyrsti A-landsleikur var leikur gegn Kýpur árið 2011 í undankeppni EM 2012. Hannes Þór lék á ferli sínum 77 A landsleiki og var aðalmarkvörður liðsins bæði á EM 2016 og HM 2018.
Miðvörðurinn Kári Árnason lék sinn fyrsta A landsleik árið 2005, þá 23 ára gamall, þegar Ísland mætti Ítalíu í vináttuleik ytra. Kári, sem er fæddur 1982, lék á ferli sínum með A karla 90 leiki og skoraði í þeim 6 mörk, en hann var máttarstólpi í vörn Íslands á bæði EM 2016 og HM 2018.
Tveir leikmenn sem voru ótrúlega mikilvægir í mögnuðum árangri Íslands frá 2011 til 2019 og hafa núna spilað sinn síðasta landsleik.
Hér að neðan má sjá myndband frá RÚV.
Takk Kári og Hannes! pic.twitter.com/dGsOSzDdMe
— RÚV Íþróttir (@ruvithrottir) October 11, 2021
