11.11.19 - 12:14
Elvar Geir Magnússon
Rúnar Alex hyggst ræða við þjálfarann um áramótin ef staðan breytist ekki
Rúnar Alex Rúnarsson.
Mynd: Fótbolti.net - Hafliði Breiðfjörð
Rúnar Alex Rúnarsson.
Mynd: Fótbolti.net - Hafliði Breiðfjörð
Rúnar Alex Rúnarsson er ekki í markvarðateymi íslenska landsliðsins fyrir komandi leiki gegn Tyrklandi og Moldóvu en hann fékk höfuðhögg í samstuði á æfingu Dijon í Frakklandi.
Rúnar Alex hefur verið á varamannabekk Dijon eftir að hafa verið aðalmarkvörður á síðasta tímabili og í upphafi þessa tímabils.
Rúnar Alex hefur verið á varamannabekk Dijon eftir að hafa verið aðalmarkvörður á síðasta tímabili og í upphafi þessa tímabils.
„Ég er ekki í neinni óskastöðu akkúrat núna. Hingað kom nýr þjálfari, Stéphane Jobard, með nýjar áherslur. Hefur hann fengið marga menn til félagsins og notar þá menn sem keyptir voru," sagði Rúnar Alex í viðtali við Morgunblaðið á dögunum.
Senegalski landsliðsmarkvörðurinn Alfred Bomis var fenginn til Dijon og hefur varið mark liðsins en Rúnar Alex fær bikarleikina.
„Svona lagað getur gerst í boltanum og maður getur ekkert annað gert en að leggja sig fram á æfingum og spila eins og maður þegar tækifæri gefst, Ég kem til með að setjast niður með þjálfaranum og markmannsþjálfaranum í desember eða janúar. Ef staðan breytist ekki, og það væri einhver möguleiki að vera lánaður til annars liðs, þá finnst mér það áhugaverður kostur," sagði Rúnar Alex.
Senegalski landsliðsmarkvörðurinn Alfred Bomis var fenginn til Dijon og hefur varið mark liðsins en Rúnar Alex fær bikarleikina.
„Svona lagað getur gerst í boltanum og maður getur ekkert annað gert en að leggja sig fram á æfingum og spila eins og maður þegar tækifæri gefst, Ég kem til með að setjast niður með þjálfaranum og markmannsþjálfaranum í desember eða janúar. Ef staðan breytist ekki, og það væri einhver möguleiki að vera lánaður til annars liðs, þá finnst mér það áhugaverður kostur," sagði Rúnar Alex.
Heimild: Morgunblaðið
