Bonucci mættur til Fenerbache (Staðfest)
Mynd: EPA
Mynd: EPA
Leonardo Bonucci er genginn til liðs við Fenerbache en hann gerir samning út tímabilið.
Bonucci er algjör goðsögn hjá Juventus en þessi 36 ára gamli ítalski varnarmaður gekk til liðs við Union Berlin í sumar. Hann náði sér hins vegar aldrei á strik með liðinu.
Hann náði samkomulagi við þýska liðið um að rifta samningi sínum.
Bonucci hefur átt mjög farsælan feril en hann hefur unnið ítölsku deildina átta sinnum. Þá varð hann Evrópumeistari með ítalska landsliðinu árið 2021.
