Spánn: Mina með tvennu í sigri Celta

Celta de Vigo fékk Elche í heimsókn í spænsku deildinni í kvöld. Celta, sem byrjaðir tímabilið illa, er nú á góðum stað um miðja deild. Elche er hins vegar í næst neðsta sæti.

Undir lok fyrri hálfleiks gerðu heimamenn í Celta tvö mörk. Santi Mina og Brais Mendez sáu um þau og staðan því 2-0 þegar leikmenn gengu til búningsherbergja.

Emiliano Rigoni gaf gestunum von á 51. mínútu þegar hann minnkaði muninn. Santi Mina var hins vegar aftur á ferðinni þegar um 20 mínútu voru til leiksloka og gulltryggði sigur þeirra ljósbláu.

Celta er nú í níunda sæti deildarinnar á meðan Elche er í bullandi fallbaráttu.