Sveindís Jane Jónsdóttir átti frábæran leik fyrir Wolfsburg í þýsku deildinni í kvöld.
Wolfsburg var bikarmeistari eftir sigur á Bayern á dögunum en Bayern hefur þegar tryggt sér deildarmeistaratitilinn. Wolfsburg mun enda í öðru sæti en einni umferð er enn ólokið.
Sveindís kom Wolfsburg í tveggja marka forystu í kvöld undir lok leiksins og lagði upp þriðja markið stuttu síðar í 3-0 sigri.
Wolfsburg er með 50 stig í 2. sæti. Sveindís hefur skorað þrjú mörk og lagt upp þrjú en hún hefur verið mikið fjarverandi vegna meiðsla á þessari leiktíð.
Athugasemdir
