Annað áfall fyrir Þór - Aron Ingi meiddist illa á æfingu

„Þetta leit mjög illa út þegar þetta gerðist á æfingu, héldum að hann hefði slitið krossband, en sem betur fer er ekkert slitið. En það er smá brot/sprunga efst í leggnum fyrir neðan hnéð. Hann getur líklega byrjað að hjóla eftir viku og við erum að vonast eftir því að hann verði klár í ágúst og teljum það raunhæft markmið," segir Sigurður Heiðar Höskuldsson, þjálfari Þórs, í samtali við Fótbolta.net.

Það er ljóst að Þórsarar verða án þriggja leikmanna sem voru með í síðasta leik. Christian Greko Jakobsen verður í leikbanni, Atli Sigurjónsson tognaði gegn Stjörnunni og Sebastian Haugland er farinn heim til Noregs. Þórsarar verða því með fleiri yngri menn á bekknum í leiknum gegn ÍBV á sunnudag. Sá leikur hefst klukkan 17:00 og fer fram á VÍS vellinum á Akureyri.

10. umferðin í Bestu
sunnudagur 14. júní
17:00 Keflavík-FH (HS Orku völlurinn)
17:00 Þór-ÍBV (VÍS völlurinn)

mánudagur 15. júní
18:00 KA-Fram (Greifavöllurinn)

þriðjudagur 16. júní
19:15 ÍA-Valur (ELKEM völlurinn)
19:15 Stjarnan-Breiðablik (Samsungvöllurinn)
19:15 Víkingur R.-KR (Víkingsvöllur)