Óttar var sáttur með 2-0 sigur á HK í Kórnum fyrr í kvöld. Leikurinn var erfiður að spila að hans sögn en Óttar innsiglaði sigur Víkinga með því að skora seinna markið og er þar með búinn að skora 6 mörk í jafnmörgum leikjum.
Lestu um leikinn: HK 0 - 2 Víkingur R.
„Þetta var ekki fallegt en mjög sætur sigur. Gott að komast aftur á sigurbraut og geggjað að vera ekki á okkar degi en taka samt þrjá punkta.''
Það var mikið um miðjumoð og barning í leiknum og minna um færi, hversu erfitt var að spila leikinn?
„Persónulega fannst mér mjög erfitt að spila þennan leik, það er búið að vera mikið álag á okkur. Ekki mikið um gæði og fallegum fótbolta en það eru úrslitiin sem skipta máli.''
Viðtalið í heild sinni má sjá í spilaranum hér að ofan en þar ræðir Óttar meðal annars markmið í markaskorun og hvort hann stefni á markametið.
Athugasemdir